【我想做專家】如何成為專業美甲師？

Q: 如何報讀美甲課程？

想入行成為美甲師 ，報讀美甲課程係最基本嘅一步。香港唔少機構都有開辦美甲課程，如坊間嘅美甲公司、化妝及美容學校、職業訓練局、YMCA青年會專業學院同工聯會等。呢類課程除咗教授修甲、手部按摩、藝術花甲、光療樹脂殖甲同水晶甲製作等技術外，仲會學到手足部同指甲嘅結構同護理、美甲行業衛生等專業知識。

更新於2021年07月26日

近年香港吹起一股美甲熱潮，好多女士都鍾意得閒去修甲Gel甲，美甲店亦因而開到成門成市。有些熱愛美甲嘅女士更希望將嗜好變為事業，成為專業美甲師。不過，美甲師必須具備相當嘅美甲知識同技巧，唔係單憑興趣就可以做到。Toby 就為大家講解成為美甲師有乜嘢途徑入行，同埋美甲師嘅收入又可以有幾多。

【我想做專家】如何成為專業美甲師？

成為專業美甲師之路

1）報讀美甲課程

想入行成為美甲師 ，報讀美甲課程係最基本嘅一步。香港唔少機構都有開辦美甲課程，如坊間嘅美甲公司、化妝及美容學校、職業訓練局、YMCA青年會專業學院同工聯會等。呢類課程除咗教授修甲、手部按摩、藝術花甲、光療樹脂殖甲同水晶甲製作等技術外，仲會學到手足部同指甲嘅結構同護理、美甲行業衛生等專業知識。

2）考取美甲文憑或證書

雖然一般美甲課程都會向學員頒發畢業證書，但如果要提升競爭力，考取專業認可資格就最為實際。好似英國職業技能資歷頒授機構City & Guilds、澳洲TAFE及英國ITEC等機構國際間享負盛名，所頒發嘅資格證書自然認受性高。因此，報讀坊間美甲課程時除咗要考慮學費、師資同課程內容等因素外，亦唔好忘記完成留意課程可獲取嘅專業資格，如果文憑或證書於行內認受性高，便可增加獲聘機會。

3）累積實際經驗

淨係考取美甲師證書係唔夠嘅，做美甲師除咗要具備專業嘅美甲技術外，仲要識得點同客人溝通，因應客人需求提供服務，所以有些人會選擇由美甲學徒或兼職美甲師開始做起，累積一定工作經驗，提高獲大型美容機構聘請嘅機會。

美甲師收入有幾多？

近年市面多咗好多美甲師入行，競爭變得激烈，所以美甲服務收費亦較以前便宜，現時一般指甲修飾同單色油甲（或法式油甲）平均為$200 – $300，Gel甲收費就約$400 – $600。不過，價錢其實好視乎美甲師嘅手勢同經驗而定，好難一概而論。

至於美甲師嘅收入，根據本地招聘網站CTgoodjobs嘅Salary Check資料顯示，美甲學徒嘅平均薪水為$10,000。至於美甲師，如果已有2 – 3年工作經驗，人工平均為$15,000-$16,000。不過，要留意嘅係部分僱主以底薪 + 拆佣方式出糧，所以收入相對冇咁穩定。有些美甲師儲落一班熟客之後就會自己創業開鋪，風險較大，而且收入就更浮動。

挑選心水美甲店

如果你認為自己是「手殘星人」，不擅長美甲，或者想找專業人士幫你設計最適合的美甲，Toby 雲集全港經驗豐富的美甲店和美甲師，只要你在Toby 回答數條問題，包括想在哪區獲得服務、美甲需求、方式、風格等，Toby 便能幫你找出最適合的美甲店或美甲師，你只需比較他們的風格和收費，就能決定選用哪間美甲店或哪位美甲師提供服務，過程簡單又方便！

另外，如果你或你的美甲店想開拓更多客源，不妨加入Toby 專家行列！Toby 提供專家和顧客配對平台，幫助商家尋找對應客源，如果有人提交的服務條件與你的服務範疇相符，你可向對方報價，待對方確認後，即可為對方提供美甲服務，尋找新客戶再也不是煩惱了！