【備戰IELTS考試】我要考好IELTS：雅思備試全攻略

IELTS考試報名方法

IELTS全名係「雅思國際英語測試」，主要考核學生嘅聽、説、讀、寫能力。IELTS考試有兩個版本，分別係Academic Training同General Training，成績分九個等級。除非你想移民過英國，本地學生一般都會考Academic考試。IELTS聽、讀、寫三份筆試一共考四個鐘，中途冇中場休息，而口試就會喺筆試當日下晝或者翌日舉行。

IELTS 報名方法非常簡單方便，考生可以親臨IDP教育香港灣仔辦事處，或者透過網上系統報考IELTS亦可。整個IELTS考試報告程序及付款程序必須於24小時內完成，於考試前 7 天，考生會收到電郵通知接收有關准考證、考試時間和地點通知。考試當日，考生須提早到達考試場地登記及寄存個人物品，確認身份要出示准考證及身份證明文件正本，並採集指紋以作認證。

IELTS考試費用：HKD$2,300

IELTS電腦模式考試

除了IELTS紙張考試，考生亦可報名IELTS電腦模式考試，新的IELTS電腦模式考試能透過電腦進行聽力、閱讀及寫作考核，同時提供更多考試日期作選擇，考生可在5-7天內收到IELTS成績。

報讀IELTS課程有用？

除了常規英文課程，坊間有唔少補習社同英語教育中心專門開IELTS備試班，亦有部分考生自修去考試，其實IELTS無非都係考你嘅英語能力，雖然操卷可以幫倒你掌握考試pattern，但語文能力就唔係一朝一夕可以鍛煉出黎。如果自問語文一般嘅話，你可以上網做下能力測試，知道自己程度去到邊先決定駛唔駛報名IELTS課程。

IELTS考試四大分卷知多啲

IELTS考試四大分卷包括：Listening、Reading、Writing、Speaking。

IELTS Listening考試分爲四個部分，總共考45分鐘，由最淺嘅日常對話考到學術論文、地道諺語等，難度會逐步增加。除左要聼得切之外，仲要mark得切答案，因爲錄音長度係30分鐘，但中途唔會重播或者停頓，得最尾10分鐘整理答案。

Reading呢分卷對考生嘅理解能力同閲讀速度都有一定要求。同學要喺60分鐘内讀三篇文章，最後一篇篇幅會較長，所以如果前面拖慢左進度就好容易會完成唔倒份卷。

緊接嘅Writing卷要求考生喺一個鐘内寫完一篇看圖作文同一篇議論文，字數要求分別係150同250字。

最後嘅Speaking考試就比較輕鬆，考官會用大概14分鐘同你用英文對答，整個過程同DSE嘅小組討論完全唔同形式，氣氛相對比較casual。考官會一對一同你傾計，由基本個人資料開始問起，再比題目你發表1-2分鐘嘅個人短講，最後仲會就你所講嘅野再問幾條問題，整個過程好似傾計一樣，非常輕鬆。

IELTS Reading 考試

IELTS Reading卷總共有三篇文章，對time management同閲讀速度有一定要求。建議你做卷之前先略略睇下標題、副標題、頭尾兩段同每段開頭嘅topic sentences，大概估計文章大概講咩。除非你對自己嘅英文閲讀速度好有信心，最好都係先大概揾左重點同睇左題目先落筆做，如非必要都唔好太慢條斯理咁由頭到尾讀一次先開始答題。

IELTS Listening 考試

IELTS嘅Listening分爲四個部分，總共考45分鐘，由最淺嘅日常對話考到學術論文、地道諺語等，難度會逐步增加。除左要聼得切之外，仲要mark得切答案。由於錄音唔會重播或者停頓，只有最尾10分鐘可以整理答案，所以錄音播緊嘅時候未必夠時間填答案。建議考生可以善用考卷margin位置寫少量筆記，摘低重要字眼，到最後十分鐘再先整理返答案。另外一個小貼士就係圈出問題重點，譬如關鍵字同人名等等，等自己可以專心聼錄音，唔駛邊聼邊讀題目咁分心。

IELTS Writing 考試

考生要喺60分鐘内寫兩篇文章，Task1至少寫150字，Task2至少250字。一般考生會用20分鐘寫Task1，剩餘40分鐘寫第二篇同埋proofread。Task1係圖表題，主要考你整理資料同表達能力。落筆寫之前記得睇清楚圖表標題、單位等文字部分，然後plan定文章方向先開始寫。至於Task2申論題嘅格式通常都係先討論某個問題，再提出改善方案，考生要平衡質、量兩方面，唔好顧住寫論點令到文法錯漏百出，顧此失彼。

IELTS Speaking 考試

IELTS口試分爲三parts，氣氛比DSE英文oral輕鬆，考嘅主要係日常英文會話。一見到考官，佢就會同你傾計，内容主要圍繞日常生活、你嘅背景等等，例如叫你講下你最好嘅朋友、理想嘅職業係咩等等，閑談之間就好快去到第二部分。考官會比一條問題你發表一段短嘅個人演講，開始前會有1-2分鐘brainstorm一下要點，題目都係比較生活化，例如叫你分享人生中最重要嘅決定、你國家嘅過年習俗等。去到最後一部分，考官就會針對你第二部分嘅演講再問follow-up問題，咁就完成成個口試架啦。

除了可以報讀IELTS課程，還有什麼選擇？

除了可以報讀IELTS課程外，你亦可以透過報讀英文補習、英文班、私人補習等方法來打好英文基礎，及早準備IELTS 考試。