油脂粒點形成？ 如何處理？ 消滅面上暗粒四個必學方法！

油脂粒同脂肪粒有咩分別？

油脂粒同脂肪粒經常同時發生，外表睇落好相似，不過兩者其實有好大差別。油脂粒同脂肪粒嘅主要區別係用手擠壓油脂粒並唔會擠壓出任何污物，但用手擠壓貌似白芝麻嘅脂肪粒則會擠出小顆粒。

睇完上述嘅介紹，相信大家對油脂粒都有啲概念，究竟呢個咁令人困擾嘅皮膚問題係點樣形成？

脂肪代謝紊亂

脂肪代謝紊亂係油脂粒形成嘅一大原因。而導致脂肪代謝紊亂嘅主要原因係由於身體內分泌失調。所以，平時要保持良好生活習慣同飲食習慣，少食辛辣刺激性食物，食多啲蔬菜水果，唔好經常熬夜，就可以幫助保持身體內分泌正常。

皮膚細小傷口

皮膚有時候可能有較難察覺嘅小傷口，喺機體自我修復傷痕嘅過程中會形成一個白色小囊腫，從外面睇起嚟就係一粒油脂粒。

護膚產品過於油膩

當今女性越來越重視保養，市面上亦推出各類護膚保養品，不過選擇時好多人都無考慮到自身嘅肌膚狀況。使用過於油膩嘅產品，令皮膚難以吸收營養，導致面部滋生暗粒同油脂粒。

忽略清潔

其次，好多人只注重妝後效果而忽視卸妝嘅重要性，或者貪方便全面都用同一瓶卸妝產品。以上嘅不良潔膚習慣都會造成彩妝殘留，堵塞毛孔，誘發油脂粒。

過度去角質

唔少女生認為皮膚摸起來乾爽就代表乾淨，殊不知過度去角質會削弱皮膚原本嘅保護屏障，造成皮膚敏感引發暗粒甚至係紅血絲，最後適得其反。

徹底卸妝及洗臉

化妝後一定要徹底卸妝，並且要使用適合自己膚質嘅卸妝品。 好多女仔貪方便會一枝落妝油卸全面，其實眼妝同唇妝適合用質地較清爽嘅專用卸妝產品。 卸妝後記得用洗面產品再作一次徹底清潔，以確保唔會有殘留污垢或油分令臉上生油脂粒。

保持水油平衡

水油失衡係好多肌膚問題嘅罪魁禍首，而深層補水係一切護膚步驟嘅基礎。沖完涼只靠爽膚水護膚絕對唔足夠，要配合埋適合自己膚質嘅精華或者肌底液，使用時以按摩手法促進皮膚血液循環，令皮膚充分吸收水分。

定期去角質

臉部角質過厚會令毛孔梗阻，形成油脂粒，因此要定期去除肌膚的老化角質。以溫和的磨砂產品或含AHA/BHA(果酸／水楊酸/成分)成分的護膚品，有效暢通毛孔預防油脂粒。 切記適當的去角質便可，約每星期1-2次，太頻密會造成反效果。

做針清

如果想通過更加快捷嘅方式清除脂肪粒，可以考慮針清。不過要提醒大家，針清治療對其手法、力度同埋工具嘅消毒程序都非常講究，忽略任何一步都好難達到祛除油脂粒同脂肪粒嘅效果，甚至可能造成皮膚損傷，引起傷口發炎、過敏等問題。所以，針清由專業美容院操刀會更為安全可靠。如果想了解更多有關針清嘅資訊，可以睇下:針清係咩？針清好處？針清價錢？ 針清知多D