每逢周末都要煩惱同另一半約會嘅好地方？諗極都諗唔到有咩拍拖活動？情侶拍拖嘅指定動作唔係行街、睇戲、就係食飯，不過成日行商場都咪話唔悶。想搞搞新意思，遠離繁囂嘅都市，趁假日同另一半享受下悠閒假期？Toby 為大家精選咗以下 10 個位於港九新界、環境優美嘅拍拖好去處，最適合共度浪漫寫意嘅二人世界！而且重點係：平、靚、正！
【平靚正之選】嚴選10大浪漫 香港拍拖好去處
更新於2024年01月12日
【平靚正之選】嚴選10大浪漫 香港拍拖好去處
港島區拍拖好去處
1）淺水灣
圖片來源：Getreadyhk
淺水灣係香港著名嘅旅遊景點，唔單止有舒適寫意嘅沙灘，沙灘旁更加有樓高六層嘅商場 the Pulse，內有各類商店同全港最大嘅 3D 藝術館。無論你同另一半鐘意欣賞海灘美景，定係行文青路線，淺水灣都一定能夠滿足你哋！
2）太平山山頂公園
圖片來源：Getreadyhk
太平山山頂公園係百年前港督別墅嘅「後花園」，又有「秘密花園」之稱。公園以古老維多利亞時期做主題，園内草木扶疏、風景優美。住港島嘅朋友，想去近近哋嘅「香港後花園」？呢度絕對係情侶周末拍拖嘅好去處！
3）鰂魚涌海濱花園
圖片來源：康文署
鰂魚涌海濱花園係少數有齊涼亭、座椅同狗糞收集箱嘅寵物公園，好適合有養寵物嘅情侶嚟拍拖放狗。呢度除咗有滿種樹木同灌木嘅綠化區外，仲有海濱步行道，可以一邊放狗一面欣賞維港美景。附近仲有太古城中心同蘇豪東，行到咁上下想揾餐廳醫肚都好方便。
九龍區拍拖好去處
4）深水埗南昌公園
圖片來源：Seewide
深水埗南昌公園近年成為影相拍卡熱點，因為公園內不但有全港公園最大嘅草地，行人徑兩側更種咗約30棵黃花風鈴木，每逢春天就會盛放燦爛嘅黃花，同另一半喺滿天黃花下拖手散步夠晒浪漫。
5）啟德郵輪碼頭公園
圖片來源：Seewide
啟德郵輪碼頭公園位於舊啟德機場跑道，園內設有水景花園、中央草坪、觀景平台同噴泉廣場。周末最適合情侶一邊喺草地野餐，一邊觀賞維港兩岸嘅景色。而鄰近嘅啟德跑道公園亦係假日散步同欣賞海景嘅好去處。
6）將軍澳單車館公園
圖片來源：康文署
雖然將軍澳單車館公園內唔俾踏單車，但園內有攀石牆同模型船池等康樂設施，而且有大片草坪同人工湖，仲種咗宮粉羊蹄甲、白花洋紫荊同6棵櫻花，喺公園靜靜坐低談下心，簡簡單單又一日！
新界區拍拖好去處
7）愉景灣
圖片來源：D’Deck官網
想感受陽光與海灘，唔一定要去外國。愉景灣D’Deck嘅大白灣沙灘漫水清沙幼，呢度最近喺海濱建咗一條「心鎖長廊」，情侶可以自帶鎖扣掛喺圍欄上作紀念，然後再行下露天市集、乘坐開蓬馬車。到咗夜晩就喺附近嘅餐廳享用晚餐，一邊欣賞海景同迪士尼煙花，零舍有情調！
8）大尾篤
圖片來源：Google Map
想感受陽光與海灘，唔一定要去外國。愉景灣D’Deck嘅大白灣沙灘漫水清沙幼，呢度最近喺海濱建咗一條「心鎖長廊」，情侶可以自帶鎖扣掛喺圍欄上作紀念，然後再行下露天市集、乘坐開蓬馬車。到咗夜晩就喺附近嘅餐廳享用晚餐，一邊欣賞海景同迪士尼煙花，零舍有情調！
9）塔門
圖片來源：塔門官網
塔門係位於西貢北嘅小島，擁有大片青草地，不時可以見到黃牛食草，欣賞到海天一色嘅弓背灣美景，好適合野餐同放風箏。想特別少少，可以沿住山路行，參觀一下呂字疊石、塔門洞同龍頸筋等島上名勝。
10）大嶼山海迎灘露營車
圖片來源：海迎灘
想揾個特別嘅地方享受二人世界?咁海迎灘露營車就好啱你。海迎灘位於大嶼山長沙海灘，景色優美。場內有多部露營車，而且有齊煮寫爐具、沙發電視、床褥被鋪等設備。怕悶嘅可以燒烤，又或者去海灘遊水、玩水上活動，好似去咗外國度假咁！
睇完咁拍拖好去處推介，即刻想約埋另一伴去玩，順便打卡，享受戶外郊遊樂？不過拍拖之餘，見到咁靚嘅景色，當然忍唔住要影翻輯相啦！想同伴侶一齊影輯靚相呃Like？Toby 平台上可以幫你搵到專業嘅戶外攝影，為你留住最美好嘅一刻！
