近年，香港愈來愈多人在正職之餘再接Freelance Job以獲得「第二收入」，甚至乎喺經濟轉型下，全職做自僱人士、創業開公司，以個人做品牌，以接唔同Job為主要收入來源！當中不乏因此而成功及發跡嘅例子，例如前無綫新聞主播陳珍妮同Toby星級專家黃師傅。自僱人士雖然係好自由好彈性，但都有好多嘢需要注意。以下係Toby畀各位嘅10項貼士，等你喺工作同創業路上更易行。
【Toby x 門路】自僱攻略系列 (2)：自僱人士必讀10大開工貼士
更新於2020年09月15日
【Toby x 門路】自僱攻略系列 (2)：自僱人士必讀10大開工貼士
1）接Job，點計錢？
自僱人士可以接Job嘅工種有好多，唔同種類嘅Job收幾多錢絕對唔同，但都有簡單嘅計算原則。首先，要問清楚工作性質、幾時交貨。你要先訂立自己嘅大約時薪，然後估算該個Job要花你幾多小時完成，計算出你嘅「接Job底價」，以此「接Job底價」為底線，可嘗試報價時開高一點，睇下客戶接唔接受得到。
但要留意，一般客戶都會喺雙方達成協議後，先支付若干訂金（不多於全個Job價錢嘅50%），而餘額則喺工作完成並檢收後支付。溫馨提示，就算你平時幾唔鍾意計數，呢個時候都必需要記得整理好工作嘅Invoice同其他收據記帳。
2）記緊要Re-Confirm工作內容
大多情況下傾Job都係以電話或面談，但確認工作內容和條件後，記緊要以Email同對方確認一次所有條件同細節，所謂「白紙黑字」，以保障雙方權益。如果涉及長期合作或款額較大，最好雙方能簽返一張正式合約。
開工前雙方要確認好工作內容。
3）做個負責任嘅服務提供者 — 準時交貨是常識吧
接Job訂立交貨時間時，要為自己爭取多點Buffer，千祈唔好臨到死線前先至開工，甚至過咗死線後都交唔出貨。唔好忘記，客人（特別係將工作外判嘅大公司）喺收到貨後，仲要經過唔同人嘅審核，所以佢哋都會偏向選擇準時嘅One-man Band同小型公司，準時交貨先可以為你賺口碑同更多嘅合作機會。
準時交貨好重要。
4）善後工作
「善後工作」係指工作完成後同客戶一齊檢討下，睇下對方有乜意見同建議，若果下次再合作嘅話有乜嘢可以再做好啲。唔係太多One-man Band同小型公司會識得咁做，但如果你咁做，就證明你工作態度良好、可信賴度高，大家有機會建立長期合作關係。
5）自僱人士使唔使交稅？
有收入就要交稅，呢個係公民責任。因為將工作外判嘅公司都會報稅，理論上自僱人士報稅都係必要嘅責任，甚至需要商業登記，擠身成為中小企。當然，視乎你嘅財務安排，你可以選擇以公司或個人名義去收錢。
自僱人士有多個收入來源，應定期整理好，方便報稅。
6）擴闊圈子
想有更多客戶，你必須走出你固有嘅朋友圈，擴闊你嘅生活圈子，接觸多啲不同範疇嘅人士，咁先會容易搵到更多Job！
7）砌靚自己Portfolio
Portfolio可以幫自己整理工作經驗，畀潛在客戶了解你過往工作質素同成效。無論係One-man Band定中小企，最好都將Portfolio同過往工作嘅成品放喺自己網站或Facebook Fan Page，有助你喺網上推廣和尋找新客戶。
一個靚嘅作品集可以大大增加被聘用的機會。
8）善用網上服務交易平台搵Job
你除咗可以用自己網站或Facebook Fan Page去推廣和找尋新客戶外，亦應善用網上平台，例如Toby，更有效咁幫你接觸到需要你專業服務嘅潛在客戶。Toby平台上唔止有自僱人士，仲有唔少初創同中小企，可以以公司名義為客戶報價，經過審核之後，仲可以有Toby嘅公司認證，確認帳號已通過初步嘅註冊公司驗證，令客人更加放心！
自僱人士可以用網上服務交易平台搵客。
9）自律和管理
自僱人士雖然比較自由，收入甚至可比全職工作高，甚至成為自己做老闆嘅踏腳石，但其實很需要自律。想試下開公司？不如先由Freelancer做起，建議唔好咁快辭掉全職工作，應該以全職工作去建立人脈，再善用公餘時間做Freelance工作，了解一下自己嘅工作速度同時訓練自律，之後再做自僱人士，感受一下相對自由嘅工作環境，儲夠一定客量，先至諗開公司做老闆，自然就更有保障！
10）加強理財
如果你有全職工作，Freelance工作可為你賺取第二收入，而打算開公司嘅自僱人士對資金同財政方面就要更加細心，要學好理財，唔好胡亂將賺到嘅額外收入花掉，應該將呢個第二收入作為儲蓄或投資基金，早日助你達到財務自由。
同時，要懂得好好掌握收款事宜，如爭取收取訂金、訂立合理嘅付款條文、準時發出發票（Invoice）等，都有助你嘅整體財務規劃。
想發展副業，Freelance形式係一個唔錯嘅選擇。
想成為自僱人士？Toby 幫到你！
要成為自僱人士，初初起步萬事都要重頭學起，真係談何容易！不過有經驗嘅網上服務交易平台，除咗可以幫你喺度搵Job，仲可以搵埋幫手，例如搵會計做報稅申報，搵Portfolio編輯執靚自己個Portfolio，同埋搵Marketing專家去做好唔同Channel嘅市場營銷等。
關於門路
「門路」係一個教你搵錢嘅資訊平台，雲集各路掌門，親自教授搵錢竅門，分享初創貼士、搵錢秘技同實戰經驗。除咗用短片同文章教路，仲有LIVE CHAT即時同掌門互動，一路睇一路傾，同掌門攞料話咁易，連點搵資金嘅門路都有。即刻下載門路https://bit.ly/3awhKeB，即時捉緊每個搵錢機會！
3大頻道傳授各種搵錢竅門：
各門各路：
網羅各式搵錢門路，波鞋投資專家Professor S、手錶收藏家Mike Wu、潮流達人Mr. Big Children、懷舊玩具收藏家Oiman等掌門，教你透過買賣搵錢嘅竅門。
初創：
教你點將創意變成搵錢生意，各路初創掌門分享過來人心得
猛人：
掌門專訪，總結經驗，深入剖析成功搵錢竅門。
