【韓文班攻略】學韓文的4大基本途徑

Q: 工聯會學韓文

工聯會業餘進修中心係全港學韓文最平嘅地方，全期12堂學費都只不過係$570–$820。不過，正所謂「一分錢一分課」，工聯會韓文班有時一班學生有近30–40人，而且仲經常滿座。學生要有心理準備自學自習，老師冇可能逐個學生照顧。工聯會韓文老師多數以廣東話夾雜少量韓語授課，對初學者比較容易理解概念，但學習韓文會話嘅環境氣氛就稍遜。

Q: 大專院校學韓文收費？

大專院校一期課程費用$3,700起，唔同課程長短以及價錢不一。大專院校最優勝地方係提供持續進修基金所資助嘅韓文課程。如果你符合香港人資格以及考試合格，學韓文分分鐘得到政府全額豁免或減學費。大專院校課程比較靈活以及有趣，例如HKUSPACE有提供韓國文化班、口法班，香港中文大學專業進修學院則有韓語網上課程等。

更新於2022年12月01日

韓風大熱，身邊好多朋友沉迷韓劇、K-Pop以及韓國各種流行文化，甚至乎想學韓文自我進修。學韓文除咗可幫助你掌握旅遊用語外，亦有助你發展事業，例如從事韓文翻譯、導遊、與韓國人做生意，甚至係加入韓國女團等等！想用流暢韓文同Oppa（哥哥）或阿豬媽（大嬸）傾偈，咁到底學韓文邊間好呢？等Toby 幫你搜羅香港讀韓文班嘅途徑啦。

【韓文班攻略】學韓文的4大基本途徑

1）工聯會

工聯會業餘進修中心係全港學韓文最平嘅地方，全期12堂學費都只不過係$570–$820。不過，正所謂「一分錢一分課」，工聯會韓文班有時一班學生有近30–40人，而且仲經常滿座。學生要有心理準備自學自習，老師冇可能逐個學生照顧。工聯會韓文老師多數以廣東話夾雜少量韓語授課，對初學者比較容易理解概念，但學習韓文會話嘅環境氣氛就稍遜。

課程收費：★★★★★　教學質素：★★　師生比例：★

2）大專院校

大專院校一期課程費用$3,700起，唔同課程長短以及價錢不一。大專院校最優勝地方係提供持續進修基金所資助嘅韓文課程。如果你符合香港人資格以及考試合格，學韓文分分鐘得到政府全額豁免或減學費。大專院校課程比較靈活以及有趣，例如HKUSPACE有提供韓國文化班、口法班，香港中文大學專業進修學院則有韓語網上課程等。大部分教材都沿用韓國出版，課程可銜接韓國大學。不過，大專院校大部分課程以正宗韓語教學，設年齡及學習門檻，唔係人人都可以讀。另外，上堂模式以全日制及兼讀制為多，本身就係以爭取學分為主要目的，少不免有功課及考試上嘅壓力。

課程收費：★★★　教學質素：★★★★　師生比例：★★

3）韓語學校

韓語學校課程種類係眾多學習中心中最廣泛，由幼兒班到成人班，由初階課程到針對每種技巧都有覆蓋得到，課程比較詳細深入，可按自己興趣或想加強進修嘅地方選班。最適合需要短時間學韓文及應付日常生活用語嘅人。坊間嘅韓語學校，例如Pink Hill，課堂每班人數唔多（大概6–15人一班），所以課堂參與度非常高，老師能夠糾正學生問題。但商業學習中心學費比較貴，一堂價格約$200–$300，亦有按月收費。韓語學校多數齊人才開班，若遇上志同道合嘅朋友，更可以一齊自組課堂。

課程收費：★★　教學質素：★★★★　師生比例：★★★★

4）私人韓語老師

想課程度身訂造？你不妨考慮請私人韓語老師。私人韓語老師價格比報團體班略貴，但私人老師在課程內容、上堂地點、上堂時間都更具彈性和成效。一對一課程完全可以就自己進度、追求個人目標，有唔明白嘅地方亦可立即詢問老師。另外，私人老師有足足整堂時間同你溝通，生活化嘅教學模式俾學生有更多機會講外語會話。大部分私人韓語老師容許試堂，有較大空間讓雙方了解夾唔夾。付費方法更係逐堂收費，萬一遇上急事或發現自己唔適合學韓文都可立即停止課程。

課程收費：★★　教學質素：★★★★★　師生比例：★★★★★