5個去粉刺妙招 徹底清除難搞閉鎖性粉刺！
相信好多姊妹都經有生粉刺嘅經驗！粉刺通常出現喺額頭、兩頰同下巴，雖然粉刺並無痕癢症狀，但係睇上去凹凸不平，令顏值大打折扣！究竟有咩方法有效去粉刺？一齊了解下各種粉刺嘅成因同解決辦法啦~
一、 粉刺係咩？
粉刺係毛囊同皮脂腺阻塞發炎所引致嘅一種皮膚病。由於體內荷爾蒙刺激毛髮生長，促進皮脂腺分泌油脂，毛髮同皮脂腺內會容易藏有細菌，引發皮膚紅腫反應。
想立即搵去粉刺treatment？即睇Toby美容院指南，有幾百項療程優惠㖭！未知應該揀咩treatment嘅話就要繼續睇下文我哋嘅去粉刺療程推介啦！
二、粉刺種類
一般嚟講，粉刺有兩種分類方式，最常見嘅分類方法係黑頭粉刺同白頭粉刺。
黑頭粉刺: 顧名思義就係皮脂同角質氧化發黑嘅粉刺，照鏡時好易發現。
白頭粉刺: 與皮膚顏色相近而較難察覺。
粉刺狀態可分為開放性粉刺同閉鎖性粉刺。
開放性粉刺毛管口比較大，容易同空氣發生氧化反應，所以會冒出表皮層，然後消退，面上最容易被發現嘅黑頭粉刺係屬於開放性粉刺啦！
閉鎖性粉刺嘅毛管開口較細，粉刺被擠塞喺皮層裡面，難以清除。 閉鎖性粉刺雖然唔痛唔痕，但摸起上嚟凹凸不平， 上妝都遮唔住，特別喺陽光底下更明顯，影響外觀。
三、 粉刺成因
要徹底去粉刺，就要由源頭阻止，避免粉刺不斷形成。以下係日常生活中有助改善粉刺問題嘅方法：
生活作息唔規律
生活作息唔規律，鐘意捱眼瞓，好容易導致體內新陳代謝緩慢，令皮膚水分流失。經常捱眼瞓仲會導致內分泌失調，久而久之就會長出粉刺。
化妝品選擇不當
宜家好多女仔出街前都會化妝，但係使用唔適合自己膚質嘅化妝品或者上妝手法唔正確都會出現毛管擠塞嘅問題，加上如果無徹底卸妝， 就會令粉刺問題惡化。
飲食問題
辛辣、甜耨、高熱量嘅嘢食物會導致濕熱，容易誘發粉刺。所以，飲食應盡量以清淡為主。
內分泌問題
誘發閉鎖性粉刺嘅因素有好多，其中雄激素分泌過多就係誘發疾病嘅主要因素之一， 而正值青春期嘅青少年特別容易有雄激素分泌過多嘅問題。 雄激素可刺激皮脂腺增多，擠塞毛管引發炎症，導致粉刺形成。另外，粉刺問題同女生生理週期有密切關係，患者平時應多注意對身體同皮膚狀況嘅變化 。
四、 去粉刺小妙招
了解粉刺成因之後，就可以正確嘅方法預防同去粉刺。雖然好多方法唔一定可以完全去粉刺，但係絕對可以减少粉刺問題發生。
定期去角質
老化角質層積聚過多，容易導致肌膚毛管擠塞，最後形成粉刺。只要根據自己膚質揀啱去角質產品，定期去角質，就可以促進肌膚新陳代謝，對閉鎖性粉刺都有好大幫助。
早晚徹底清潔
面部皮膚由朝到晚都有機會接觸到油脂污垢，如果唔及時徹底清潔皮膚，就會引發各種肌膚問題。夜晚洗面之前最好用卸妝水卸妝，即使無化妝都可以適當用化妝水潔面。 洗面時以打圈手法按摩粉刺經常出現嘅位置，有助油脂污垢從面部排出。
蒸面
蒸面可以有效幫助打開肌膚毛管，隨時補充肌膚水分，抑制肌膚油脂分泌及軟化粉刺，令粉刺更容易被去除。
鹽水沖洗
鹽水有消炎殺菌作用，可有效抑制初期粉刺。每日用15克鹽水沖洗患處1-2次，2-3日後就可以抑制粉刺生長。使用鹽水時要注意鹽水濃度，濃度過高嘅鹽水會導致皮膚脫水，令粉刺問題惡化。
飲食及作息時間
有粉刺嘅朋友一定要保持良好生活習慣，平時飲食以清淡為主，食多啲新鮮生果同蔬菜，避免辛辣、油膩嘅食物。另外，要儘量少熬夜，令皮膚有充足時間自我修復，否則到粉刺滿面嘅時候就後悔不及。
五、 去粉刺療程推薦
Aqua Peel
如果想以零刺激嘅治療方式去粉刺，可以考慮Aqua Peel 水鑽磨皮。Aqua Peel儀器設有水力螺旋頭配合三重精華，可以吸收深層污垢，同時保護肌膚，令肌膚恢復活力。Aqua Peel 適合所有皮膚類型, 而且沒有恢復期，完成療程後可以立即化妝。想了解更多Aqua Peel 的資訊及優惠可以睇下以下文章：
海藻矽針
另一種推薦嘅去粉刺療程就係海藻矽針，利用天然生物萃取矽藻， 配合晶體矽質針，深入皮層進行煥膚，令老化的角質層自然的剝除。 海藻矽針療程可以滲透角質層，減淡暗瘡印、黑頭粉刺、達至美白煥膚的效果。 想了解更多海藻矽針的資訊及優惠可以睇下以下文章：
其實除咗花錢去美容院做去粉刺療程外，都可以從日常生活改善粉刺問題㗎！保持良好生活習慣，由根源令皮膚變得更好，粉刺問題自然解決，心情都會變得更好！如果你想睇更加多嘅美容療程，可以留意我哋嘅Toby美容院指南，仲有好多獨家著數㖭！