黑頭清極仲有？ 去黑頭天然秘招 5分鐘將黑頭連根拔起！
黑頭，相信係好多女生喺護膚路上嘅必經障礙。 雖然黑頭對容貌嘅影響較輕，亦唔會有痕癢疼痛嘅感覺，但多起上黎都好令人煩惱。 究竟黑頭係點樣形成、又有咩方法可以去黑頭呢？
一、黑頭介紹
黑頭又叫黑頭粉刺，屬於開放性粉刺。好多人都會將黑頭同粉刺混淆，搞唔清楚兩者之間嘅分別。其實黑頭係粉刺嘅一種，呈現為明顯擴大嘅毛孔中嘅黑點，擠出來後似一條蟲，頂端發黑，所以被稱之為黑頭。大多數人都為鼻上嘅細黑頭煩惱，常生長於面部、前胸同後背，青春發育期嘅青少年由於油脂分泌旺盛特別容易受黑頭問題困擾。
二、黑頭點樣形成？
黑頭嘅形成主要係因為皮脂唔能夠順利排出毛囊，從而堵在毛囊開口被氧化。溫度過高或者食得太多油性刺激性食物導致皮脂分泌過剩，多餘皮脂、老廢角質、化妝品堆積都會導致毛囊皮脂腺導管堵塞，阻礙皮脂排出毛囊。了解咗以上原因，大家就可以對症下藥，擊退頑固黑頭。
三、預防黑頭方法
1. 護膚產品去黑頭：
化妝水濕敷係去黑頭嘅有效方法，每日濕敷三至五分鐘，有效幫助收細毛孔，撫平肌膚角質層。除此之外，用卸妝油去黑頭同樣係安全又有效嘅方法。先用熱毛巾喺黑頭敷十分鐘，然後用卸妝油輕輕畫圈按摩，就會令油脂污垢慢慢浮出黎。大家常見嘅凡士林都可以用來清黑頭，只要在洗澡前將凡士林薄薄的塗抹在鼻子上，用保鮮紙蓋住鼻子，洗澡後撕走保鮮紙，再用棉花棒就可以輕鬆去黑頭。
2. 正確潔面：
平時以用溫水洗臉，揉搓皮膚表面嘅角質層。想更徹底潔面，可以配合使用磨砂潔面用品，再混合少量潔面乳或潔面啫喱，喺鼻頭同鼻翼位置以打圈方式按摩，慢慢去除老化角質。潔面時一定要選擇溫和嘅潔面乳，避免刺激皮膚。潔面後唔需要因為保濕而使用過多嘅護膚產品，一般嘅護膚品裡亦含有油脂，大量使用會影響皮膚油脂平衡。
3. 蜜糖／米飯
蜜糖作為一種天然嘅營養品，不但味道鮮美，而且對於皮膚有滋養同清潔作用，有出色嘅去黑頭效果。只要將一層薄蜜糖敷係鼻上，停留5至10分鐘後，再用冷清水輕力洗走蜜糖即可。
大家應該無諗過原來米飯亦可以清黑頭！ 首先，以溫水洗臉，然後將熱米飯搓成小飯糰，放喺鼻翼兩側及鼻頭來回滾動，毛孔嘅污垢就會被帶出。如果以上嘅方法係偏方，咁深層清潔面膜就係最常見去黑頭方法之一。平時不妨多方面比較去黑頭方法，選擇最合適自己嘅面膜。
4. 黑頭貼：
黑頭貼係市面上最常見嘅去黑頭產品，借助粘力將黑頭拔出。可以喺沖完涼後或用毛巾熱敷過臉後，軟化角質，擴張毛孔，然後將沾濕的鼻貼貼上去，等到鼻貼乾了之後再揭起，就可以輕鬆去黑頭。但使用黑頭貼期間會拉扯皮膚，經常使用會導致毛孔鬆弛變大，從而催生更多黑頭。
四、去黑頭療程介紹
針清
針清去黑頭越嚟越普遍，針清嘅步驟較繁複，一般需要提前3小時用新潔爾滅或者戊二酮浸泡暗瘡針，再進行全臉消毒，用強清潔力潔面產品徹底清潔皮膚。利用1毫升注射器嘅針頭，斜面向上沿毛孔刺入暗瘡後斜面轉向側面，輕輕挑開。最後，以暗瘡針嘅針柄沿著毛孔走形方向輕輕咁將污物推出。清理徹底後需要用消毒液滅消毒，局部塗抹消炎精華素或者茶樹精油。
針清運用咗物理方式清除角栓嘅原理。相對於其他清黑頭方法效果更加顯著可靠。但係自行操作感染嘅可能性較大，正規美容院安全性更高同時更專業。