【數碼營銷懶人包】Content Marketing 內容營銷5大法則

今時今日網路世界覆蓋嘅範圍非常之廣，如果商家想吸引群衆關注品牌，必須針對目標受眾嘅需要同興趣嚟推出內容。譬如一間公司提供放狗服務，佢哋嘅目標受眾可能係生活繁忙嘅都市人。制定營銷方案時，佢哋可以推出文章，專門介紹公司點樣幫助客戶喺忙碌嘅生活仍然照顧到寵物，繼而吸引呢班目標顧客。

2. 加入近期熱話

好多大小品牌都會利用最近嘅熱門事件嚟吸引觀眾。網路世界瞬息萬變，好多爆紅新聞可能過兩三天已經無人討論。對內容營銷人員嚟講，「抽水」就成為一個好好嘅渠道，比佢哋去獲得最新嘅idea。而網絡熱話亦往往比較能吸引眼球，所以中小企都可以試下由近期熱門事件入手，創作相關嘅內容！

3. 善用不同平台特點

網路營銷涵蓋唔同類型嘅社交媒體平台，例如Facebook、Instagram、YouTube、微博、微信同Pinterest等。由於製作好嘅內容會喺各個社交媒體流通同推廣，而唔同平台有唔同特點，所以即使內容一樣，喺唔同渠道推出可能都有唔同反響。如果想喺各個平台都做好ContentMarketing，營銷人員必須熟悉每種社交媒體嘅特點，並加以善用推廣。

4. 開拓多媒體營銷類型

現今網絡讀者嘅特點係集中力（Attentionspan）比以前低。為咗吸引群眾嘅注意力，近年越嚟越多企業使用影片方式來進行ContentMarketing。一般嚟講，具備較多視覺元素嘅內容形式（例如Video同Infographic）都比較能引起讀者關注。所以內容營銷人員亦可以嘗試採用唔同嘅內容行銷類型，並透過內容同消費者建立互動，增加佢哋對品牌嘅忠誠度！

5. 確保內容新鮮度和準確性

今時今日網絡世界充斥海量資訊，要喺咁多內容入面突圍而出，除咗創造特定嘅文章風格，方便觀眾同品牌建立聯繫，企業仲要確保內容夠創新！營銷人員長期經營內容之餘，都要不時思考目標受眾嘅關注點會否隨時間改變，並不斷優化內容，確保資訊準確無誤。